Хаврын тэргүүн сарын шинийн 15-ны дотор нутгийн уугуул иргэдтэйгээ золгодог уламжлал ёсоор Улаанбаатар хотод ажиллаж амьдарч байгаа иргэдтэйгээ сумын удирдлагууд золголоо. Золгуутанд сумын Засаг дарга Э.Мөнхбаяр, Улаанбаатар хотын нутгийн зөвлөлийн дарга Бридеж группийн ерөнхий инженер Л.Болдсайхан, Өндөр настан Халзан, Должин, Дотоо, Гавьяат багш Т.Дунжаа, зохиолч Алтансаргай, сургуулийн захирал О.Дашдаваа, Сургалтын мененжер Л.Алгаа, нарын нийт 120 хүн оролцлоо. Энэ үеэр Нутгийн иргэдийн дэмжлэг туслалцаатайгаар сумын 90 жилийн ой өргөн дэлгэр болсонд талархаж сумын Засаг дарга сумын Хүндэт тэмдэг, ойн медалиар нутгийн иргэдээ шагналаа. Мөн сумын сургуулийн 90 жилийн ой энэ жил тохиож байгаатай холбогдуулан сургуулийн захирал О.Дашдаваа мэдээлэл хийж ойн урилгаа гардууллаа.